And-o vahtiaripe 12-14 dechembro 2014 o Chentro Natzionalo vash i Kultura le Romengi – Romano Kher, kethanes ande jekh parteneriato le Chentrosa le Romengo “Amare Rromentza”, kerdeas jekh seminaro vash o biandipe identitetosko /interkulturalo savo akhardeas kethanes le goʒiaver siklovne thaj le siklearne roma thaj gaʒe kotar le licheumuria kotar o foro Bukureshti. E 35 siklovne save line than ande kadi aktzia aven kotar trin licheumuria kotar o Bukureshti: o Koleʒio Ekonomikano “Viilor”, o Koleʒio Tehnikano vash Habengi Industria “Dumitru Moțoc” thaj o Koleʒio Ekonomikano “Hermes”.
O zoralo mangipe and-e kadi aktzia sas kodo te kerel prinʒardo, mashkar le terne siklovne, e programuria biandimaske save o CNCR – Romano Kher kamel te buhlearel len and-o pashutno teharipe/avutnipe
