I Gala vash e Pakivale Manusha aresleas and-o bersh 2014 ki ohto-to editzia. O evenimento dikerdilo po 17 dechembro, 2014 thaj sas kerdo kotar o Chentro Natzionalo vash i Kultura le Romengi -Romano Kher.
I Gala vash Pakivale Manusha si jekh evenimento savo del prinʒaripe vash e buthiarimata kerde and-o Rumuniako sochieteto kotar le profesionisturia roma kotar verver riga buthiake: buhlearipe thaj prinʒaripe e shibako romani and-i shkola thaj sochieteto, siklearipe, sochialo interventzia, teatro, muzika, arta plastiko, rodipe, aktivizmo. Kado bersh, e riga pe save deape pakiv sas: i rig vash i romani shib, i rig vash i kultura thaj arta, i rig vash o aktivizmo thaj i rig vash o siklearipe.
O siklearno. dr. univ. Gheorghe Sarău, o siklearno Tache Lepădatu, o siklearno Costică Băţălan thaj i Mihaela Stan line o pakivalo premiumo pe rig vash i romani shib. Pe kadi sektzia o pakivalo premiumo sas o premiumo spechialo “Ionela Daniela Petre”, kerdo and-o anav e siklearneako vash i romani shib, Daniela Petre, savi geli kotar amendar po 13 maio 2013.
O Vasile Ionescu, o aktoro Sorin Sandu, o saksofonisto Marin Petrache Pechea, o skulptoro Marian Petre, o aktoro Rudy Moca, o piktoro Eugen Raportoru thaj o vastesko buthiarno rupuniari, Cornel Craciun, line o pakivalo premiumo vash i sektzja vash kultura thaj arta.
O Cătălin Manea, o Marian Mandache,o Gelu Duminică thaj i Nicoleta Bițu line o pakivalo premiumo and-i rig vash o acktivizmo romengo.
O Costel Bercuș, i Elena Motaș, i siklearni Lavinia Pencea thaj o siklearno univ. dr. Vasile Burtea line o pakivalo premiumo pe rig vash o siklearipe.
Ki Gala, kado bersh, avileas jekh baro gin manushengo, sar partichipanturia. Kadea ke, le teleupre trin shela akharde manusha, reprezentanturia kotar e institutzie andar Rumunia, kotar o sochieteto chivilo, buthiarne manusha kotar kultura thaj arta, roma kotar verver komuniteta traditzionalia sas pashe le manusha save line le pakivale premiumuria. Ki Gala ashundeape vi muzika gilabadi le romendar profesionituria, ʒazo , krechiunoske gilia bashavde/gilabade kotar i Rodica Tudor – savi leas o Baro Premiumo 2012.
http://www.vice.com/ro/read/romii-de-la-gala-de-excelenta-sunt-romani-mai-buni-ca-tine-229
